Community
Green Land
Green Land is a local organisation supporting disadvantaged households in Indawgyi to develop value-added products from home gardens, agroforests, and non-timber forest products to improve their livelihoods.
တုံစံခလူထုအခြေပြုခရီးသွားဝန်ဆောင်မှုအဖွဲ့ (Ton San Kha-CBT)
တုံစံခလူထုအခြေပြုခရီးသွားဝန်ဆောင်မှုအဖွဲ့ကို ၂၀၁၆ ခုနှစ်တွင်တည်ထောင်ခဲ့ပါသည်။ ပြည်တွင်း၊ ပြည်ပခရီးသွား ဧည့်သည်များကို ကျေးရွာ၏ထူးခြားလှပသောသဘာဝရှုခင်းများနှင့်အတူ သန့်ရှင်းလတ်ဆတ်သော ဩဂဲနစ်အစားအစာများဖြင့် နေ့လည်စာဝန်ဆောင်မှုပေးလျက်ရှိပါသည်။ တုံစံခလူထုအခြေပြုခရီးသွားဝန်ဆောင်မှုအဖွဲ့သည် တုံစံခကျေးရွာပတ်ဝန်းကျင်ရှိ ဩဂဲနစ်စိုက်ခင်းများမှရရှိသော ဟင်းသီးဟင်းရွက်များကိုသာ အသုံးပြုခြင်းဖြစ်သည်။
တောရိုင်းတိရစ္ဆာန်မိတ်ဆွေများအသင်း (FoW)
FoW သည်ပြည်တွင်းအစိုးရမဟုတ်သောအဖွဲ့အစည်းဖြစ်ပြီး ၎င်း၏ရည်မှန်းချက်များဖြစ်သည့် အသက်မွေး ဝမ်းကျောင်းမှုမျိုးစုံကွဲပြားရေး၊ ပတ်ဝန်းကျင်ထိန်းသိမ်းရေးပညာပေးရေး၊ ပြည်သူလူထူပူးပေါင်းပါဝင်ရေး၊ ဇီဝမျိုးစုံမျိုးကွဲသုတေသနနှင့် ထိန်းသိမ်းရေးလုပ်ငန်းများအောင်မြင်အောင် ရည်ရွယ်လုပ်ဆောင်နေသော အဖွဲ့အစည်းဖြစ်သည်။ FoW သည် အင်းတော်ကြီးဒေသတွင် ရေရှည်တည်တံ့သောငါးလုပ်ငန်း၊ အစုအဖွဲ့ ပိုင်သစ်တောတည်ထောင်ခြင်းလုပ်ငန်းများနှင့် အစားထိုးအသက်မွေးဝမ်းကျောင်းမှုလုပ်ငန်းများကို ပံ့ပိုးကူညီ ပေးလျက်ရှိသည်။
ပါရမီလူမှုကူညီရေးအသင်း (PRM)
နန့်မွန်းမြို့ရှိ ပါရမီနာမှုကူညီရေးအသင်းသည် ပြည်သူလူထုအခြေပြု စွန့်ပစ်ပစ္စည်းစီမံခန့်ခွဲရေးဝန်ဆောင်မှု လုပ်ငန်းများကိုတိုးချဲ့လုပ်ဆောင်လျက်ရှိသည်။ ပါရမီလူမှုကူညီရေးအသင်းသည် အင်းတော်ကြီးကန်ပတ်လည်ရှိ ကျေးရွာလူထုများနှင့် ပူးပေါင်းဆောင်ရွက်၍ သဘာဝပတ်ဝန်းကျင်ထိန်းသိမ်းရေးပညာပေးအစီအစဉ်များတွင် ပါဝင်ဆောင်ရွက်လျက် ရှိသည်။
မေတ္တာလေညှင်း (MTLN)
မေတ္တာလေညှင်းအဖွဲ့သည် အင်းတော်ကြီးဒေသရှိ မူးယစ်ဆေးဝါးနှင့် ဆက်နွယ်သောကိစ္စများကို လျှော့နည်းစေရန် ဆောင်ရွက်ပေးနေသော ပြည်တွင်းအစိုးရမဟုတ်သောအဖွဲ့အစည်းဖြစ်ပြီး မူးယစ်ဆေးဝါးသုံးစွဲသူများအတွက် ပညာပေး လုပ်ငန်းများဖြစ်သည့် မက်သတုန်းဖြန့်ဝေခြင်း၊ ရောဂါစစ်ဆေးပေးခြင်းနှင့် တားဆီးကာကွယ်ခြင်း စသည့် ဝန်ဆောင်မှုလုပ်ငန်းများကိုဆောင်ရွက်လျက်ရှိသည်။ အဖွဲ့အစည်း၏ရည်ရွယ်ချက်မှာ မူးယစ်ဆေးဝါးသုံးစွဲမှု ကို တားဆီးကာကွယ်ရန်နှင့် နှစ်သိမ့်ဆွေးနွေးပညာပေးခြင်းလုပ်ငန်းများမှတဆင့် ကျန်းမာရေးမြှင့်တင်ပေးရန်ဖြစ်သည်။
အင်းချစ်သူလူမှုဖွံ့ဖြိုးရေးနှင့်သဘာဝအခြေခံခရီးသွားဝန်ဆောင်မှုအဖွဲ့ (ICT)
အင်းချစ်သူအဖွဲ့သည် ၂၀၁၃ ခုနှစ်တွင်ဖွဲ့စည်းခဲ့သော အင်းတော်ကြီးဒေသ၏အရှည်ကြာဆုံးသဘာဝအခြေခံ ခရီးသွားလုပ်ငန်းအဖွဲ့အစည်းဖြစ်သည်။ အင်းတော်ကြီး ရေဝပ်ဒေသပညာပေးပြခန်းတွင်ရုံးစိုက်ကာ စက်ဘီး ငှားရမ်းခြင်း၊ ကယက်လှေငှားရမ်းခြင်း၊ တောင်တက်လမ်းလျှောက်ခြင်း၊ ငှက်ကြည့်ခြင်း အစရှိသော သဘာဝ အခြေခံခရီးသွားဝန်ဆောင်မှုလုပ်ငန်းများကို ဆောင်ရွက်ပေးနေသည့် အကျိုးအမြတ်မယူသောအဖွဲ့အစည်း ဖြစ်သည်။ ထို့ပြင် လုံးတုံမြို့ရှိ စွန့်ပစ်အမှိုက်သန့်ရှင်းရေးလုပ်ငန်းများနှင့် သန့်ရှင်းမိလ္လာစနစ်စီမံခန့်ခွဲရေးလုပ် ငန်းများတွင် ပံ့ပိုးဆောင်ရွက်ပေးလျက်ရှိသည်။
အင်းတော်ကြီးဒေသသဘာဝပတ်ဝန်းကျင်ထိန်းသိမ်းရေးနှင့်ဖွံ့ဖြိုးရေးအသင်း (IECDA)
အင်းတော်ကြီးဒေသ သဘာဝပတ်ဝန်းကျင်ထိန်းသိမ်းရေးနှင့် ဖွံ့ဖြိုးရေးအသင်းသည် အင်းတော်ကြီးဇီဝအဝန်းနယ်မြေ၏ ကြားခံနယ်မြေများအတွင်း အစုအဖွဲ့ပိုင်သစ်တော တည်ထောင်မှုကို ပံ့ပိုးဆောင်ရွက်ပေးလျက်ရှိသည်။ ၂၀၁၂ ခုနှစ်မှစတင်၍ ကျေးရွာများမှ သစ်တောအသုံးပြုသူအဖွဲ့ ၁၀ ဖွဲ့ကျော်သည် အင်းတော်ကြီး ကန်ပတ်လည်ရှိသစ်တောများကာကွယ်ရန်နှင့် ပြန်လည်တည်ထောင်ရန်၊ သစ်၊ ထင်းနှင့် သီးနှံသစ်တော ထွက်ကုန်များရေရှည်ပံ့ပိုးပေးနိုင်ရန် အလို့ငှာ ဒေသခံပြည်သူအစုအဖွဲ့ပိုင်သစ်တော တည်ထောင်ခြင်း လုပ်ငန်းများ ဆောင်ရွက်ရာတွင် ပူးပေါင်းပါဝင်လျက်ရှိသည်။
အင်းတော်ကြီးဒေသသဘာဝလယ်ယာသီးနှံစိုက်ပျိုးရေးအသင်း (INFA)
အင်းတော်ကြီးဒေသသဘာဝလယ်ယာသီးနှံစိုက်ပျိုးရေးအသင်း၏ ရည်မှန်းချက်မှာ သဘာဝစိုက်ပျိုးနည်းအလေ့ အထများကျင့်သုံးကာ အင်းတော်ကြီးဒေသ၏ အသက်မွေးဝမ်းကျောင်းလုပ်ငန်းများ မြှင့်တင်ရန်နှင့် သဘာဝပတ်ဝန်းကျင်ကို ထိန်းသိမ်းရန်ဖြစ်သည်။ အထူးသဖြင့် တောင်သူလယ်သမားများအချင်းချင်း စိုက်ပျိုးရေးဗဟုသုတ ဖလှယ်ရန်နှင့် ပုံမှန်သင်တန်းများပြုလုပ်ရန် အဓိကရည်ရွယ်သည်။ ထို့ပြင် အင်းတော်ကြီးဒေသရှိ တောင်သူများအားလုံး အသင်း၏အဖွဲ့ဝင်ဖြစ်လာရေးနှင့် သဘာဝနည်းဖြင့်စိုက်ပျိုးထားသော ဆန်နှင့် အခြားထွက်ကုန်ပစ္စည်းများ တန်ဖိုးမြှင့်တင်ရေးသည် အသင်း၏အဓိကရည်ရွယ်ချက်ဖြစ်သည်။
အင်းတော်ကြီးလူမှုအဖွဲ့အစည်းကွန်ယက် (CSO Network)
အင်းတော်ကြီးလူမှုအဖွဲ့အစည်းကွန်ယက်ကို ၂၀၁၇ တွင်တရားဝင်မှတ်ပုံတင်စာရင်းသွင်းခဲ့သည်။ အဖွဲ့ အစည်း၏ရည်ရွယ်ချက်မှာ မတူကွဲပြားသောအမြင်များကို တညီတညွတ်တည်းဖြစ်စေပြီး အတွေ့အကြုံ ဖလှယ်ခြင်းများဖြင့် လူမှုအဖွဲ့အစည်းများ၏ကဏ္ဍကိုမြှင့်တင်ကာ အင်းတော်ကြီးဒေသဖွံ့ဖြိုးတိုးတက် စေရန်နှင့် လူနေမှုအဆင့်အတန်းမြင့်မားလာစေရန်ဖြစ်သည်။