မြန်မာနိုင်ငံတွင် ရထားဖြင့်ခရီးသွားလာခြင်းသည် စွန့်စားခရီးသွားလာမှုအဖြစ်ဆုံးနည်းလမ်းပင်ဖြစ်သည်။ အင်းတော်ကြီးဒေသတွင် မြန်မာ့မီးရထားလမ်းတိုက်ရိုက်ချိတ်ဆက်မှုမရှိသောကြောင့် မြစ်ကြီးနား (သို့) မန္တလေးမှ အနီးဆုံးမြို့ဖြစ်သော ဟိုပင်သို့ရထားဖြင့်လာရောက်နိုင်ပါသည်။ နံနက်အစောပိုင်း ဟိုပင်သို့ ရောက်လျှင် ဘူတာမှ အင်းတော်ကြီးခရီးသွားဝန်ဆောင်မှုဗဟိုကျေးရွာဖြစ်သည့် လုံးတုံကျေးရွာသို့ ၅၀၀၀ မှ ၇၀၀၀ ကျပ်နှုန်းဖြင့် ပြေးဆွဲသော Light truck ကားများစီးကာလာရောက်နိုင်ပါသည်။ သို့မဟုတ် တစ်နာရီ ခရီးစဉ်ကို ၁၅၀၀၀ ကျပ်နှုန်းထက်မပိုသောနှုန်းဖြင့် ဆိုင်ကယ်ကယ်ရီငှားရမ်း၍လည်းလာရောက်နိုင်ပါသည်။
